Thursday, September 3, 2015





BOBONARO: PROGRAMA BESIK PARSEIRU HO RDTL FASILITA BEE MOOS BA KOMUNIDADE TAPO/MEMO


Dili, Timor-Leste (3 Setembru 2015): Komunidade Suku Tapo/Memo, Aldeia Uluatin, Lepgen, no Pipgalag, agora bele asesu ona ba bee moos ne’ebé besik kedas komunidade nia uma, tanba hetan apoiu husi governu Australia liu husi programa BESIK (Bee, Saneamentu, no Ijiene iha Komunidade) hodi dada bee ba komunidade husi aldeia tolu refere. Antes komunidade sira ne’e hetan bee husi torneira públiku ida ne’ebé harii dezde Indonesia nia tempu, maibé bee ne’e ladún boot tanba kanu barak mak aat, nune’e mós torneira ne’e fasilita de’it bee ba parte balu husi Aldeia Lepgen. Maioria komunidade ba kuru bee iha mota ne’ebé sai hanesan fronteira Timor-Leste ho Indonesia. Loron-loron komunidade tenke gasta oras ida ba mai hodi ba kuru bee iha mota ne’e.

Xefe Suku Tapo/Memo, Gaspar de Jesus da Conçeição agradese ba Governu Australia tanba dada ona bee ba nia komunidade, “Agradese ba governu Australia ne’ebé fó apoiu boot ba komunidade aldeia Lepgen, Uluatin no Pipgalag hodi bele asesu ona ba bee moos. Agora ha’u nia komunidade sira sei la ba tan ona mota tanba bee besik tiha ona iha sira nia uma. Ha’u sei servisu hamutuk ho ami nia Grupu Maneja Fasilidade (GMF) no komunidade hotu atu kuidadu sistema bee ida ne’e ba to’o tempu naruk”.

Sistema bee moos ne’e fasilita bee ba komunidade hamutuk 3,127 husi uma kain 527, eskola 3, igreja, no sede suku Tapo/Memo. Totál orsamentu ba konstrusaun sistema bee moos ne’e mak $225,979.35.

Diretór Jerál Água no Saneamentu, João Jerónimo iha inaugurasaun bee moos iha Tapo/Memo ne’ebé hala’o iha 21 Agostu 2015, hatete: “Governu nia objetivu ka hakarak mak atu iha 2030, governu lakohi haree nia oan sira atu hi’it ka lalin tan bee, ida ne’e governu nia kometimentu. Atu implementa ida ne’e governu servisu hamutuk ho parseiru bara-barak hodi bele atinje objetivu ne’e”.

Nune’e mós Paul Regnault, Segundu Sekretáriu Dezenvolvimentu Rurál, husi Embaixada Australia iha Timor-Leste hatete: Fornesimentu bee rurál nu’udar prioridade importante ba Governu Timor-Leste no Governu Australia. Australia iha kometimentu naruk atu hadi’a asesu ba bee, no saneamentu no pratika ijiene iha área rurál iha Timor-Leste, fó suporta liu husi programa BESIK antes ukun-an. Kontribuisaun ida ne’e hanesan meius prátiku ida ne’ebé Povu Australia bele suporta Governu Timor-Leste hodi atinje Meta Dezenvolvimentu Estratéjiku atu fornese “Bee ba Ema Hotu” antes 2030.
Konstrusaun Sistema bee moos Suku Tapo/Memo implementa husi kompañia Nalo Bul, hahú husi Outubru 2014 to’o Jullu 2015. Fasilidade ne’ebé harii mak torneira públiku 42, tanke rezervatóriu 2, tanke redús presaun 2, tanke koleksaun 1, liña transmisaun 7.4 km, no liña distribuisaun 4.4 km.

Implementasaun projetu ne’e liu husi servisu hamutuk ema barak nian, programa BESIK, governu Timor-Leste lokál, kompañia Nalo Bul, servisu hamutuk ho GMF no autoridade lokál sira”, hatete Diretora Programa BESIK, Michelle Whalen. “Dezenvolvimentu ita haree la’o ba oin, bele haree iha Tapo/Memo imi la’o ba oin, iha eletrisidade, dalan, no bee. Ba sistema bee ne’ebé ohin ita inaugura, husu atu uza ho didi’ak no tenke kuidadu atu asegura sistema bee ne’e bele uza ba tempu naruk”.

Atu garante sustentabilidade bee moos ne’e ba oin komunidade Aldeia Lepgen, Pipgalag no Uluatin, konkorda ona atu uma kain ida-idak halo kontribuisaun $1.00 kada fulan ba iha sira nia GMF (Grupu Maneja Fasilidade) atu nune’e bele atende problema ruma ne’ebé iha relasaun ho sira nia bee moos.


Kona-ba BESIK
BESIK (Bee, Saneamentu no Ijiene iha Komunidade) mak Governu Australia nia programa ho fundus atu hadi’ak saúde no kualidade moris ema nian iha área rurál iha Timor-Leste laran. Programa ne’e suporta Governu Timor-Leste nia progresu atu atinje metas Objetivus Dezenvolvimentu Miléniu atu komunidade rurál sira hetan asesu sustentavel no ho ekuidade kona-ba abastesimentu bee, hadi’ak saneamentu no ijiene. BESIK servisu besik liu Ministerio das Obras Públicas, Transporte e Comunicação no Ministerio Saúde no mós ho ministerio no parseiru-setór (ajénsia internasionál, organizasaun naun-governamental (ONG), sentrus formasaun) no mós ho setór privadu. Faze agora ne’e hahú iha Setembru 2012; faze uluk implementa hosi 2007-2012. Atu hatene tan:www.besiktimor.org




English Translation



BOBONARO: BESIK PROGRAM IN PARTNERSHIP WITH RDTL PROVIDES SAFE WATER TO TAPO/MEMO COMMUNITY


Dili, Timor-Leste (3 September 2015): The community of Suco Tapo/Memo, Aldeias of Uluatin, Lepgen and Pigalag, can now access safe water close to their homes, because of the Australian Government support through the BESIK Program (Bee, Saneamentu no Ijiene iha Komunidade) to build a piped water system for the three communities. Prior to the system being built, these communities accessed water froma single existing public tap that was built during the Indonesian occupation. However, the water available was insufficient to cover the entire community because many of the pipes were damaged, and the tap only supplied part of Aldeia Lepgen. The majority of the community used to collect water from a river along the border of Timor-Leste and Indonesia. The community members spent an hour to collect water each day.s

The Suco Chief of Tapo/Memo, Gaspar de Jesus Conceição, acknowledged the Australian Government for supplying the water system to the community, “I am grateful for the Australian Government for all the efforts in supporting the communities of Lepgen, Uluatin and Pipgalap to have access to safe water. From now on my people no longer need to go to the river to collect water because water has been brought close to our houses. I will work with the community and our Water Management Group (GMF) to  care for the system into the future”.   

The water system serves 3,127 community members, or 527 households, plus 3 schools, a church, and the Tapo/Memo Suco office. The total budget of the construction was $225,979.35.  

On the inauguration day of 21 August 2015, the Water and Sanitation Director General João Jerónimo stated: “The Government’s goal by 2030 is that Timor-Leste’s people will not have to continue spending their time collecting water, this is the government commitment. The government together with its counterparts will be working hard to achieve this objective”.   

Paul Regnault, Second Secretary for Rural Development at the Australian Embassy in Timor-Leste added: “Rural water supply is a key priority for both the Government of Timor-Leste and the Australian Government. Australia has a long-term commitment to improve access to water, sanitation, and hygiene in Timor-Leste’s rural areas, delivering support through the BESIK program since before independence. This contribution is but one practical way that the people of Australia can support the Government of Timor-Leste to achieve its strategic development goal to supply “water to everybody” by 2030.
The construction of the Tapo/Memo water system was carried out by Nalo Bul Company from October 2014 to July 2015. The facilities included 42 public tap-stands, 2 reservoir tanks, 2 pressure reduction tanks, 1 collection tank, 7.4 km of transmission line and 4.4 km of distribution line.  

“This project was completed because many stakeholders worked together – BESIK, Government of Timor-Leste – both national and municipal, the Nalo Bul company, and the community authorities” said BESIK Program Director, Michelle Whalen. “Development is about progress – moving forward. We can see development in Tapo Memo – you have access to electricity, a good road and now water.  Only if you look after your water system, support the GMF to do the maintenance and repairs, will you be able to continue to progress and even improve your access to water.”  

To guarantee the water supply sustainability for the future, Aldeia Lepgen, Pipgalag and Uluatin, agreed to contribute $1.00 per month from each household to their GMF to respond to any issues related to their water system.


About BESIK
BESIK (Bee, Saneamentu no Ijiene iha Komunidade) is an Australian Government funded program aimed at improving the health and quality of life of people living in rural areas across Timor-Leste. The program supports Government of Timor-Leste's progress towards 2015 Millennium Development Goal targets so that rural communities will have sustainable and equitable access to safe water supply, improved sanitation and hygiene. BESIK works with the Ministry of Public Works, Transport and Communication and the Ministry of Health, as well as other Ministries, international agencies, non-government organisations, training institutions and with the private sector. The current phase commenced in September 2012; a previous phase was implemented from 2007-2012. For more information: www.besiktimor.org

No comments:

Post a Comment